‘క్యూ జి’ కొటేషన్ గ్యాంగ్ మూవీ గ్రాండ్ ట్రైలర్ లాంచ్ ఈవెంట్, టి. ప్రసన్నకుమార్ గారు, దామోదర్ ప్రసాద్ గారి చేతుల మీదగా బిగ్ టికెట్
లాంచ్ – ఈ నెల 30న ఐదు భాషలలో పాన్ ఇండియా విడుదల
‘QU Ji’ Quotation Gang Movie Grand Trailer Launch Event
జాకీ ష్రాఫ్, ప్రియమణి, సన్నీలియోన్, సారా అర్జున్ ప్రధాన పాత్రల్లో నటించిన మూవీ ‘క్యూజీ గ్యాంగ్ వార్’. ఎన్టీఆర్ శ్రీను సమర్పణలో వస్తున్న ఈ మూవీకి సంబంధించి తెలుగు వరల్డ్ వైడ్ రిలీజ్ హక్కులను రుషికేశ్వర్ ఫిల్మ్స్ బ్యానర్ కింద నిర్మాణ వేణుగోపాల్ సొంతం చేసుకున్నారు. ఈ సందర్భంగా ఈ సినిమాకు సంబంధించిన ట్రైలర్ లాంచ్ ఈవెంట్ నేడు ఘనంగా జరిగింది. ఈ ఈవెంట్లో ముఖ్య అతిథులుగా టి. ప్రసన్నకుమార్ గారు, దామోదర్ ప్రసాద్ గారు, శ్రీను గారు, శివనాగు గారు, నిర్మాత వేణుగోపాల్ గారు, ఎన్టీఆర్ శ్రీను గారు పాల్గొన్నారు. ప్రసన్న కుమార్ గారు, దామోదర్ ప్రసాద్ గారి చేతుల మీదుగా బిగ్ టికెట్ లాంచ్ చేశారు. ఈనెల 30న ఈ సినిమాని ఐదు భాషల్లో విడుదల చేయడానికి సిద్ధమయ్యారు.ఈ సందర్భంగా నిర్మాత వేణుగోపాల్ గారు మాట్లాడుతూ : అడగగానే ఈవెంట్ కి వచ్చే మమ్మల్ని సపోర్ట్ చేశారా ప్రసన్న కుమార్ గారికి, దామోదర్ ప్రసాద్ గారికి, శివనాగు గారికి ప్రత్యేక కృతజ్ఞతలు. ఇది ఒక మంచి మాస్ మసాలా కమర్షియల్ ఎంటర్టైనర్ సినిమా. ప్రేక్షకులందరికీ కచ్చితంగా ఏ సినిమా నచ్చుతుంది అని ఆశిస్తున్నాను అన్నారు.
ఎన్టీఆర్ ప్రెజెంట్స్ ఎన్టీఆర్ శ్రీను గారు మాట్లాడుతూ : నాకు గురువు దైవం లాంటి వ్యక్తి ప్రసన్నకుమార్ గారు. ఆయన దగ్గర నుంచి ఎన్నో విషయాలు నేర్చుకున్నాను. అలాంటి వ్యక్తి ఈ రోజున మా సినిమాను సపోర్ట్ చేయడానికి రావడం చాలా ఆనందంగా ఉంది. ప్రసన్నకుమార్ గారికి, దామోదర్ ప్రసాద్ గారికి, శివనాగు గారికి కృతజ్ఞతలు తెలియజేసుకుంటున్నాను. వివేక్ కుమార్ కన్నన్ గారు బాలా గారి దగ్గర 15 సంవత్సరాలు దర్శకత్వం శాఖలో పనిచేశారు. ఈ సినిమా ఫారెన్ లో అద్భుతమైన లొకేషన్స్ లో షూట్ చేశారు. కచ్చితంగా ఈ సినిమా ప్రేక్షకులకు నచ్చుతుందని పెద్ద విజయం సాధిస్తుందని ఆశిస్తున్నాను అన్నారు.
టి. ప్రసన్న కుమార్ గారు మాట్లాడుతూ : కాస్టింగ్ నుంచి జాకీ షరాఫ్, సన్నీలియోన్, ప్రియమణి లాంటి పెద్ద స్టార్స్ ని పెట్టుకుని ఈ రోజున కమర్షియల్ సినిమాకి ఏం కావాలో అలాంటి ఎలిమెంట్స్ తో ఈ సినిమాని నిర్మించారు. అదేవిధంగా ఎన్నో సినిమాలు ని డిస్ట్రిబ్యూట్ చేసిన ఎన్టీఆర్ శ్రీను గారు, వేణుగోపాల్ గారితో కలిసి ఈ సినిమాకి సపోర్ట్ గా నిలబడడం సినిమాకే ప్లస్ అవుతుంది. అదేవిధంగా డ్రమ్స్ శివమణి మ్యూజిక్ అద్భుతంగా ఉండబోతుంది. శివపుత్రుడు లాంటి సినిమా దర్శకత్వం వహించిన బాలా గారి దగ్గర అసిస్టెంట్ గా చేసిన వివేక్ కుమార్ కన్నన్ దర్శకత్వంలో ఈ సినిమా రాబోతుంది. వేణుగోపాల్ గారికి ఎన్టీఆర్ శ్రీను గారికి ఇది సరైన సినిమా అవుతుంది. ప్రేక్షకులందరికీ ఏ సినిమా నచ్చుతుంది అని ఆశిస్తున్నాను అన్నారు.
దామోదర్ ప్రసాద్ గారు మాట్లాడుతూ : క్యూ జి ట్రైలర్ పెద్ద షాక్ ఇచ్చింది. ట్రైలర్ చాలా బాగుంది. మంచి క్యాస్టింగ్ ని ఎంచుకున్నారు. ఈ రోజుల్లో ప్రజలకు కావాల్సిన కమర్షియల్ ఫార్మాట్ ఈ సినిమాలో ఉంది. విజువల్స్ చాలా బాగున్నాయి. నిర్మాత వేణుగోపాల్ గారికి ఈ సినిమా పెద్ద విజయం సాధించి బాగా డబ్బులు తెచ్చి పెట్టాలని మనస్పూర్తిగా కోరుకుంటున్నాను అన్నారు.
నటీనటులు: జాకీ ష్రాఫ్, ప్రియమణి, సన్నీలియోన్, సారా అర్జున్
