హైదరాబాద్ రీజినల్ రింగు రోడ్డు ప్రాజెక్టును కేంద్ర, రాష్ట్ర ప్రభుత్వాలు ప్రతిష్ఠాత్మకంగా తీసుకున్న సంగతి తెలిసిందే. హైదరాబాద్ ఔటర్ రింగు రోడ్డు గేమ్ ఛేంజర్ అయితే.. రీజినల్ రింగుం రోడ్డు సూపర్ గేమ్ ఛేంజర్ అని
హైదరాబాద్ లో ఆర్ఆర్ఆర్ రెడీ..
హైదరాబాద్, జనవరి 21
హైదరాబాద్ రీజినల్ రింగు రోడ్డు ప్రాజెక్టును కేంద్ర, రాష్ట్ర ప్రభుత్వాలు ప్రతిష్ఠాత్మకంగా తీసుకున్న సంగతి తెలిసిందే. హైదరాబాద్ ఔటర్ రింగు రోడ్డు గేమ్ ఛేంజర్ అయితే.. రీజినల్ రింగుం రోడ్డు సూపర్ గేమ్ ఛేంజర్ అని
ప్రభుత్వ పెద్దలు చెబుతున్నారు. ఉత్తర, దక్షిణ రెండు భాగాలుగా చేపడుతున్న ఈ ప్రాజెక్టులో ఇప్పటికే ఉత్తర భాగానికి సంబంధించి టెండర్ల పక్రియ మెుదలైంది. ఇక రీజినల్ రింగు రోడ్డు చుట్టూ రీజినల్ రింగు రైల్
నిర్మించాలని రేవంత్ సర్కారు కోరుతోంది. హైదరాబాద్ రీజినల్ రింగురోడ్డుకు అనుసంధానంగా రీజినల్ రింగు రైల్వే లైనును మంజూరు చేసి త్వరతగతిన పూర్తి చేయాలని ఇటీవల సీఎం రేవంత్ రెడ్డి ప్రధాని మోదీని
కోరారు.కాగా, గతంలోనే రీజినల్ రింగు రైలుపై కేంద్రమంత్రి కిషన్ రెడ్డి కీలక అప్డేట్ ఇచ్చారు. రీజినల్ రింగు రైలు మంజూరుకు కేంద్రం రెడీగా ఉందని పలు సందర్భాల్లో వెల్లడించారు. కొత్తగా నిర్మించబోయే రీజినల్ రింగ్
రోడ్డుకు అవతల దీన్ని నిర్మించనున్నట్లు చెప్పారు. తాజాగా.. రీజినల్ రింగు రైలుకు సంబంధించిన ఫైనల్‌ లొకేషన్‌ సర్వే పూర్తి అయింది. దాని అలైన్‌మెంట్, డీపీఆర్‌ తయారీపై రైల్వేశాఖ కసరత్తు ప్రారంభించింది. ఈ
ఏడాది జూన్‌ నాటికి డీపీఆర్‌ను రైల్వే బోర్డుకు సమర్పించనున్నట్లు సమాచారం. రీజినల్ రింగు రైల్ ఫైనల్‌ లొకేషన్‌ సర్వే కోసం రైల్వేశాఖ రూ.13.95 కోట్లను గత బడ్జెట్‌లో మంజూరు చేసింది. హైదరాబాద్‌కు చెందిన
ఓ ప్రైవేటు సంస్థకు కన్సల్టెన్సీ బాధ్యతలు అప్పగించారు. ఇప్పటికే లైడార్‌ ఆధారిత సర్వే పూర్తి చేసి.. ప్రాథమిక అలైన్‌మెంటును రెడీ చేశారు. దీని ప్రకారం ఈ ప్రాజెక్టు వ్యయం దాదాపుగా రూ.26,000 కోట్లు
ఉంటుందని అంచనా.హైదరాబాద్ నగరంలోని ప్రధాన స్టేషన్లలోకి గూడ్స్ ట్రైన్లు రాకుండా..నగరం వెలుపలి నుంచే వెళ్లిపోయేలా రీజినల్ రింగ్ రైల్ ప్రాజెక్టుకు ప్రణాళికను రెడీ చేస్తున్నారు. ప్రతిపాదిత రీజినల్ రింగ్ రోడ్డు
ఓటర్ రింగు రోడ్డు నుంచి 40 కి.మీ దూరంతో నిర్మిస్తుండగా.. ఆర్ఆర్ఆర్ ఆవల దాదాపు 5 కిలోమీటర్ల దూరంలో రింగు రైలు నిర్మించేలా.. రైల్వే శాఖ లైడార్‌తో ప్రాథమిక అలైన్‌మెంట్‌ను రూపొందించింది.. రీజినల్ రింగ్
రైల్ పొడవు 394 నుంచి 420 కిలోమీటర్ల మధ్య ఉండే ఛాన్స్ ఉంది. భూ సేకరణ ఖర్చును కేంద్ర, రాష్ట్ర ప్రభుత్వాలు భరించనున్నాయి. ఈ ప్రాజెక్టులో దాదాపు 25 వరకు రైల్వేస్టేషన్లు కొత్తగా ఏర్పాటయ్యే ఛాన్స్
ఉంది.మాసాయిపేట వద్ద సికింద్రాబాద్‌– నిజామాబాద్‌ లైన్‌, వంగపల్లి వద్ద సికింద్రాబాద్‌ –వరంగల్‌ లైన్‌, వలిగొండ వద్ద సికింద్రాబాద్‌– గుంటూరు రైల్వేలైన్‌, గుల్లగూడ వద్ద సికింద్రాబాద్‌– తాండూరు లైన్‌, గజ్వేల్‌
వద్ద సికింద్రాబాద్‌– సిద్దిపేట లైన్‌ను, బాలానగర్‌ వద్ద కాచిగూడ– మహబూబ్‌నగర్‌ లైన్‌ను రీజినల్ రింగ్ రైల్ క్రాస్‌ చేయనుంది. కాగా, త్వరలోనే ఈ ప్రాజెక్టు పట్టాలెక్కే ఛాన్స్ ఉందని రైల్వే అధికారులు
చెబుతున్నారు. అదే జరిగితే తెలంగాణ ముఖ చిత్రం పూర్తిగా మారిపోనుంది. మరింత వేగంగా అభివృద్ధి జరగనుంది.
Read:Traffic Awareness:స్వీయ రక్షణ కోసం హెల్మెట్ తప్పనిసరిగా వాడాలి
