హైదరాబాద్‌లో స్థలం కొనాలనుకుంటున్నవారికి అధికారులు మంచి అవకాశం కల్పించారు. నగరంలోని హౌసింగ్ బోర్డు స్థలాలను అమ్మాలని నిర్ణయించారు. అయితే.. గ్రేటర్ హైదరాబాద్ పరిధిలో అక్కడక్కడా కొన్ని ఏళ్లుగా మిగిలిపోయిన హౌసింగ్ బోర్డు స్థలాలను బహిరంగ వేలం ద్వారా అమ్మేయాలని అధికారులు నిర్ణయించారు.
అమ్మకానికి హౌసింగ్ బోర్డు స్థలాలు,,,
హైదరాబాద్, జనవరి 17
హైదరాబాద్‌లో స్థలం కొనాలనుకుంటున్నవారికి అధికారులు మంచి అవకాశం కల్పించారు. నగరంలోని హౌసింగ్ బోర్డు స్థలాలను అమ్మాలని నిర్ణయించారు. అయితే.. గ్రేటర్ హైదరాబాద్ పరిధిలో అక్కడక్కడా కొన్ని ఏళ్లుగా మిగిలిపోయిన హౌసింగ్ బోర్డు స్థలాలను బహిరంగ వేలం ద్వారా అమ్మేయాలని అధికారులు నిర్ణయించారు. 3 డివిజన్ల పరిధిలోని 73 ప్లాట్లను అమ్మకానికి పెట్టారు. అన్నీ కలిపి 4,880.98 చదరపు గజాల స్థలం ఇప్పుడు అమ్మకానికి ఉంది. ఇందులో.. 3,040.18 చదరపు గజాల ప్లాట్లు 24, 566.09 చదరపు గజాల ప్లాట్లు 07, 1,274.71 చదరపు గజాలవి 42 ప్లాట్లు ఉన్నాయి. ఇందులో అతి తక్కువగా 6.11 చదరపు గజాలు అయితే.. అత్యధికం 290 చదరపు గజాల స్థలాలు అందుబాటులో ఉన్నాయి. అయితే.. ఇవన్నీ కూకట్పల్లి హౌసింగ్ బోర్డు పరిధిలోని 4 ఫేజుల్లోనే ఉండటం గమనార్హం.కూకట్పల్లి హౌసింగ్ బోర్డు ప్రాంతంలోని ప్లాట్లకు అక్కడి మార్కెట్‌ ధరను బట్టి.. గజం రూ.1.25 లక్షలు, గచ్చిబౌలిలో గజం రూ.1.50 లక్షలు, రావిర్యాలలో రూ.75 వేల చొప్పున ప్రభుత్వం నిర్ణయించింది. కాగా, రావిర్యాల దగ్గర తెలంగాణ హౌసింగ్ బోర్డు కాలనీలోని ఇళ్ల మధ్య ఉన్న 42 ప్లాట్లకు వేలం నిర్వహిస్తున్నట్టు బోర్డు ఓ ప్రకటన విడుదల చేసింది. ఫిబ్రవరి 5న రావిర్యాల తెలంగాణ హౌసింగ్ బోర్డు కాలనీలో బహిరంగ వేలం నిర్వహించనున్నట్టు తెలిపింది. అయితే వేలంలో పాల్గొనేవారు రూ.లక్ష, రెండు లక్షల డిమాండ్‌ డ్రాఫ్ట్‌ (డీడీ)లను వేలం ప్రారంభమవడానికి 30 నిమిషాల ముందు డిపాజిట్‌ చేయాలని పేర్కొంది.ఈ హౌసింగ్ బోర్డు స్థలాలు గతంలోనే వేలం వేసి అమ్మేయగా.. అక్కడక్కడా చిన్న చిన్న ప్లాట్లు మిగిలిపోయాయి. మిగిలిపోయిన వాటితో పాటు గతంలో నిర్వహించిన వేలంలో కొనుగోలు చేసేందుకు ఎవరూ ముందుకు రాని స్థలాలను కూడా.. గుర్తించి అమ్మకానికి పెట్టారు. ఈ స్థలాల విక్రయం ద్వారా రూ.60 నుంచి రూ.65 కోట్ల వరకు ఆదాయం వస్తుందని అధికారులు అంచనా వేస్తున్నారు. అయితే.. జనవరిలోనే రెండు దఫాలుగా 31 స్థలాలకు వేలం నిర్వహించనుండగా.. వచ్చే నెల అంటే ఫిబ్రవరి 5న మిగిలిన 42 స్థలాలకు వేలం వేయాలని అధికారులు నిర్ణయించారుఇవే కాకుండా.. గ్రేటర్ హైదరాబాద్‌లో ఖాళీగా ఉన్న ప్లాట్లు, ఫ్లాట్లు, అసంపూర్తిగా ఉన్న అపార్టుమెంట్లను.. మార్చిలో మరోసారి పెద్ద సంఖ్యలో వేలం వేసేందుకు అధికారులు ప్లాన్ చేస్తున్నారు. ప్రస్తుతం తక్కువ విస్తీర్ణంతో ఉన్నవాటితో పాటు కొన్నేళ్ల నుంచి ఖాళీగా ఉన్న వాటిని అమ్మేయాలని నిర్ణయించుకున్నట్టు ఓ ఉన్నతాధికారి వెల్లడించారు. మార్చిలో సుమారు 2 వేలకు పైగా స్థలాలు వేలం పరిధిలోకి తీసుకురానున్నట్లు పేర్కొన్నారు.
Read:Hyderabad:టార్గెట్ తెలంగాణ అడుగులు
